اسلوب وطرق كذب البنات على المدرسات

ليش حاطه كحله ؟
1-ست بارحة عندي عرس نسيت امسحه

2-أوست مسحته الصبح بس ما انمسح كلة

3-أو ست عيوني مكحله خلقه من الله
-------------------------
ليش حاطه ماسكاره ؟
ست رموشي لها سالفه هماني حطيت ماسكاره من بارحة ويوم جيت اريد أمسحها ماراحت ثبتت في رموشي ورحت للدكتوره وكالت بعدين تروح وليهسة ماراحت >> لاياشيخه

---------------------------
ليش لابسة شحاطة ؟
1-ست أخوي الصغير ضام حذياني و ميقبل يطلعهن
شنو بس هل الحذاء بل بيت عدكم فلبست أقرب شحاطة واجيت
(( إذا مامشت السالفه على مدرسة تكولها سالفه ثانيه))
مثل : ست تذكرت مورجلية بيها بسمار وميصير البس حذاء لان توجعني >> خوش عذر
---------------------------
ليش حاطه حمرة؟
ست مو شفايفي مفطرات ورحت للدكتورة وكالت لازم تخلين حمرة >> قويه وربي
--------------------------
ليش فالة شعرج ؟
ست والله حطيت قراصة وما ادري وينها أو تكول ست قراصتي أنكسرت ومالكيت قراصة ثانيه .. >> متريد تكول لمدرسة اليوم صديقي من صبح شافني
--------------------------
ليش مطولة اضافرج ؟
ست أضافري نموها سريع اقرضها اليوم تطول باجر وشنو أسوي >> شنو شخالتلهن سمااد خوما سماد
----------------------------
ليش المدرسة طردتج من الدرس ؟
ست مو الصف جانو ينضفون واني بية ربو ماأتحمل >> ياربي
----------------------
ليش نايمة بل درس ؟
ست والله بارحة طبلونة الحرس وللصبح وماكدرت انام مانمت >>متريد تكول اني ضليت اخابر للصبح ذبتها براس الحرس المساكين ؟؟

اوست راسي يوجعني وتعبانه مريضة أو ست بارحة جانت عدنة عزيمه وضلو لليل يلا راحو المعازيم بين مانضفت البيت و غلست لماعين صارت ب 4 الصبح مالحكت انام >> متكوليلي شعازمين الشعب العراقي كولة حتى ضلين لل 4 الصبح تغسلين ماعين هم لو الشعب كولة مطولين ب ربع ساعة
-----------------------------
ليش تسولفين ويا لي بصفج بل درس ؟
لا ست والله كاعد اسئلها على درس<<متريد تكول هية كاعد تسولف وياها على استار اكاديمي
------------------------
ليش لابسة جواريب ملونة ؟
(( والبنت تكول بنفسها شجاب الجلاق على دولمة ))ست امي ماتقبل تشتريلي جواريب بيضة او ست والله بارحة رحت للسوك ودورت ومالكيت >>متريد تكول بارحة متواعد بل سوك هية و الحب
-----------------------------
ليش لابسه محبس ؟
ست مخطوبه >>متريد تكول شتريتةمن السوك ب 1000 دينار سوتها مخطوبة حتى تفيك بي كدام صديقاتها
-----------------------------
وين الواجب ليش ماحلتة ؟
سته البارحة نسيت جنتي بالمدرسه
ولا تكول ست نسيت اقرة او التهيت بل تلفون>>


ههههههه صدك ناس